காற்றின் விசையில் கயிறு அறுந்து
விண்ணோக்கி பறக்கும் காத்தாடி போல
திக்குத்தெரியாமல் அலைபாயும் மனசு
சலனமின்றி வெக்கை புழுங்கும்
வேனிற்காலத்து கிணறு போன்று
வெறுமை ஆகியது வாழ்க்கை
சிதறிக்கிடக்கும் மௌனங்களை அள்ளியெடுத்து
கோர்க்கிறேன் மாலையாக
முடிச்சவிழ்க்கும் வித்தை தெரிந்த
உன்னிடம் விளையாடக் கொடுக்கிறேன்
ஒவ்வொரு மெளனமாக
Saturday, August 20, 2011
தொலைந்துபோனவை
தொலைதூர ரயில் சத்தம்
தொடர்ந்து கேட்கும் குயிலின் குரல்
பார்த்து ரசிக்க பறவைகள்
பரவசமடைய வைக்கும் சிட்டு குருவிகள்
அலைபேசி இல்லா அருமையான காலமது
கோடையில் வறண்ட கண்மாயில்
சுகமான மட்டைபந்து விளையாட்டு
பருவம் மாறும்பொழுது மாறும் விளையாட்டுக்கள்
கிட்டி, பம்பரம், சில்லாக்கு சீட்டு அப்புறமா கோலிகுண்டு
மழை பெய்தால் ஊரணியில் குளியல்
குளியல் முடித்து தூண்டிலில் பிடித்த மீன்கள்
ஆயுத பூஜையானால் காலனியில் கூடுப்படயல்
வெயிலில் சுற்றி சூடுபிடித்து சுண்ணாம்பு தேடிய நாட்கள்
கார்கால குளிரை மறைக்க அப்பாவின் சட்டை
கண்மூடி தூங்க வைக்கும் அம்மாவின் தலைகோதும் விரல்
உடலினை உறுதி செய்த மிதிவண்டி
இராவுணவை முழுங்கச்செய்த ஆச்சியின் விக்ரமாதித்தன் கதைகள்
மாலை முழுதும் ஓடிப்பிடித்து விளையாடி
மின்சாரம் இல்லா நேரங்களில் ஒளிந்து பிடித்து விளையாடி
கணினி இல்லா உலகில் நாங்களே சுதந்திரப் பறவைகள்
வாசிப்பை தொடங்கி வைத்த அம்புலி மாமா
சகிப்பை கற்றுத்தந்த பள்ளி வாழ்க்கை
தோல்வியை கற்றுத்தந்த விளையாட்டுகள்
வெற்றியடைய சொல்லித்தந்த தோல்விகள்
கனமானது நெஞ்சம் இந்த பால்ய காலத்துச் சுவடுகள் இல்லாமல்
வளரப்போகும் நம் சந்ததிகளை நினைத்து
தொடர்ந்து கேட்கும் குயிலின் குரல்
பார்த்து ரசிக்க பறவைகள்
பரவசமடைய வைக்கும் சிட்டு குருவிகள்
அலைபேசி இல்லா அருமையான காலமது
கோடையில் வறண்ட கண்மாயில்
சுகமான மட்டைபந்து விளையாட்டு
பருவம் மாறும்பொழுது மாறும் விளையாட்டுக்கள்
கிட்டி, பம்பரம், சில்லாக்கு சீட்டு அப்புறமா கோலிகுண்டு
மழை பெய்தால் ஊரணியில் குளியல்
குளியல் முடித்து தூண்டிலில் பிடித்த மீன்கள்
ஆயுத பூஜையானால் காலனியில் கூடுப்படயல்
வெயிலில் சுற்றி சூடுபிடித்து சுண்ணாம்பு தேடிய நாட்கள்
கார்கால குளிரை மறைக்க அப்பாவின் சட்டை
கண்மூடி தூங்க வைக்கும் அம்மாவின் தலைகோதும் விரல்
உடலினை உறுதி செய்த மிதிவண்டி
இராவுணவை முழுங்கச்செய்த ஆச்சியின் விக்ரமாதித்தன் கதைகள்
மாலை முழுதும் ஓடிப்பிடித்து விளையாடி
மின்சாரம் இல்லா நேரங்களில் ஒளிந்து பிடித்து விளையாடி
கணினி இல்லா உலகில் நாங்களே சுதந்திரப் பறவைகள்
வாசிப்பை தொடங்கி வைத்த அம்புலி மாமா
சகிப்பை கற்றுத்தந்த பள்ளி வாழ்க்கை
தோல்வியை கற்றுத்தந்த விளையாட்டுகள்
வெற்றியடைய சொல்லித்தந்த தோல்விகள்
கனமானது நெஞ்சம் இந்த பால்ய காலத்துச் சுவடுகள் இல்லாமல்
வளரப்போகும் நம் சந்ததிகளை நினைத்து
Subscribe to:
Posts (Atom)